Għażliet tat-Tfixxija
Paġna ewlenija Midja Spjegazzjonijiet Riċerka u Pubblikazzjonijiet Statistika Politika Monetarja L-€uro Ħlasijiet u Swieq Karrieri
Suġġerimenti
Issortja skont
  • STQARRIJA GĦALL-ISTAMPA

Il-BĊE jinnomina lil Yves Mersch bħala Viċi President tal-Bord Superviżorju

9 ta’ April 2019

  • Il-Kunsill Governattiv jissottometti proposta lill-Parlament Ewropew għal Viċi President ġdid tal-Bord Superviżorju tal-BĊE
  • Il- Kunsill tal-Unjoni Ewropea jagħti l-approvazzjoni finali wara vot parlamentari

Il-Kunsill Governattiv tal-Bank Ċentrali Ewropew (BĊE) ippropona l-ħatra tal-membru tal-Bord Eżekuttiv tal-BĊE Yves Mersch bħala Viċi President tal-Bord Superviżorju tal-BĊE.

Il-BĊE informa lill-President tal-Kumitat tal-Parlament Ewropew għall-Affarijiet Ekonomiċi u Monetarji (ECON), Roberto Gualtieri, skont il-Ftehim Interistituzzjonali bejn il-BĊE u l-Parlament Ewropew. Il-BĊE informa wkoll lill-President tal-Kunsill għall-Affarijiet Ekonomiċi u Finanzjarji, Eugen Teodorovici. Is-Sur Mersch se jidher quddiem il-Kumitat ECON waqt seduta f’data li għad trid tiġi konfermata. Skont l-Artikolu 26(3) tar-Regolament MSU, il-ħatra teħtieġ l-approvazzjoni tal-Parlament Ewropew. Wara din l-approvazzjoni, il-Kunsill jadotta deċiżjoni ta’ implimentazzjoni biex jaħtar lill-Viċi President tal-Bord Superviżorju. Skont ir-Regolament MSU, il-Viċi President tal-Bord Superviżorju għandu jkun membru tal-Bord Eżekuttiv tal-BĊE.

Għal mistoqsijiet min-naħa tal-midja, jekk jogħġbok ikkuntattja lil Esther Tejedor, tel.: +49 69 1344 95596.

KUNTATT

Bank Ċentrali Ewropew

Direttorat Ġenerali Komunikazzjoni

Ir-riproduzzjoni hija permessa sakemm jissemma s-sors.

Kuntatti għall-midja