12.12.2006   

MT

Il-Ġurnal Uffiċjali ta’ l-Unjoni Ewropea

735

(1)

Il-Linja ta’ Gwida BĊE/2000/1 tat-3 ta’ Frar, 2000, dwar il-maniġment ta’ l-assi barranin tar-riżerva tal-Bank Ċentrali Ewropew mill-banek ċentrali nazzjonali, u d-dokumentazzjoni legali għal operazzjonijiet li jinvolvu l-assi barranin tar-riżerva tal-Bank Ċentrali Ewropew (1) tispeċifika, inter alia, liema dokumentazzjoni legali għandha tintuża għal dawn l-operazzjonijiet.

(2)

Il-Linja ta’ Gwida BĊE/2000/1 ġiet emendata fil-11 ta’ Marzu, 2005, sabiex tirrifletti d-deċiżjoni tal-BĊE biex jintuża l-Ftehim Master tal-Federazzjoni Bankarja ta’ l-Unjoni Ewropea (Fédération Bancaire Européenne) (FBE) għal Tranżazzjonijiet Finanzjarji (Edizzjoni 2004) għal operazzjonijiet iggarantiti u operazzjonijiet ta’ derivattivi over-the-counter, li jinvolvu l-assi barranin tar-riżerva tal-BĊE, bil-kontropartijiet inkorporati jew organizzati skond il-liġijiet ta’ ċerti ġurisdizzjonijiet Ewropej.

(3)

Fir-rigward ta’ dawk il-kontropartijiet li huma inkorporati jew organizzati skond il-liġi Svediża, il-BĊE fil-preżent iqis li jkun adattat li jintuża l-Ftehim Master tal-FBE għal Tranżazzjonijiet Finanzjarji (Edizzjoni 2004):

(4)

Għalhekk, il-Linja ta’ Gwida BĊE/2000/1 għandha tiġi emendata sabiex tipprovdi għall-użu tal-Ftehim Master tal-FBE għal Tranżazzjonijiet Finanzjarji (Edizzjoni 2004) għall-operazzjonijiet ta’ derivattivi over-the-counter u għad-depożiti ma’ kontropartijiet li huma inkorporati jew organizzati skond il-liġi Svediża, u konsegwentament sabiex tirrifletti d-deċiżjoni tal-BĊE biex ma jintużax aktar il-Ftehim Master dwar in-Netting tal-BĊE ma’ dawn il-kontropartijiet.

(5)

Skond l-Artikolu 12.1 u l-Artikolu 14.3 ta’ l-Istatut, il-Linji ta’ Gwida tal-BĊE jagħmlu parti integrali mil-liġi tal-Komunità,

1.

L-Artikolu 3(3) huwa sostitwit b’li ġej:

“Għandu jkun hemm fis-seħħ mal-kontropartijiet kollha ftehim master dwar in-netting f’waħda mill-forom mehmużin bħala Anness 2 ma’ din il-Linja ta’ Gwida, ħlief mal-kontropartijiet li magħhom il-BĊE iffirma Ftehim Master tal-FBE għat-Tranżazzjonijiet Finanzjarji (Edizzjoni 2004) u li huma organizzati jew inkorporati skond il-liġijiet ta’ kwalunkwe ġurisdizzjoni minn dawn li ġejjin: l-Awstrija, il-Belġju, id-Danimarka, il-Finlandja, Franza, il-Ġermanja, il-Greċja, l-Italja, il-Lussemburgu, il-Pajjiżi l-Baxxi, il-Portugall, Spanja, l-Isvezja, ir-Renju Unit (l-Ingilterra u Wales biss) jew l-Isvizzera.”

2.

It-titlu ta’ l-Anness 2a huwa sostitwit b’li ġej:

“Ftehim Master dwar in-Netting iggvernat bil-liġi Ingliża u abbozzat bil-lingwa Ingliża (biex jintuża mal-kontropartijiet kollha għajr dawk il-kontropartijiet:

3.

Il-paragrafu 2(a) ta’ l-Anness 3 huwa sostitwit b’li ġej:

“Il-Ftehim Master tal-FBE għat-Tranżazzjonijiet Finanzjarji (Edizzjoni 2004) għal operazzjonijiet ma’ kontropartijiet organizzati jew inkorporati skond il-liġijiet ta’ kwalunkwe ġurisdizzjoni minn dawn li ġejjin: l-Awstrija, il-Belġju, id-Danimarka, il-Finlandja, Franza, il-Ġermanja, il-Greċja, l-Italja, il-Lussemburgu, il-Pajjiżi l-Baxxi, il-Portugall, Spanja, l-Isvezja, ir-Renju Unit (l-Ingilterra u Wales biss) jew l-Isvizzera.”

4.

Il-paragrafu 3 ta’ l-Anness 3 huwa sostitwit b’li ġej:

“Id-depożiti kollha li jinvolvu l-assi barranin tar-riżerva tal-BĊE ma’ kontropartijiet li huma eliġibbli għal operazzjonijiet iggarantiti kif deskritt fil-paragrafu 1 u/jew operazzjonijiet ta’ derivattivi over-the-counter kif deskritt fil-paragrafu 2, u li huma organizzati jew inkorporati skond il-liġijiet ta’ kwalunkwe ġurisdizzjoni minn dawn li ġejjin, għandhom jiġu ddokumentati permezz tal-Ftehim Master tal-FBE għat-Tranżazzjonijiet Finanzjarji (Edizzjoni 2004), f’dik il-forma li tista’ tiġi approvata jew emendata mill-BĊE minn żmien għal żmien: l-Awstrija, il-Belġju, id-Danimarka, il-Finlandja, Franza, il-Ġermanja, il-Greċja, l-Italja, il-Lussemburgu, il-Pajjiżi l-Baxxi, il-Portugall, Spanja, ir-Renju Unit (l-Ingilterra u Wales biss) jew l-Isvizzera.”