Dan id-dokument hu mislut mis-sit web tal-EUR-Lex
Dokument 32007D0015(01)
2007/850/EC: Decision of the European Central Bank of 22 November 2007 amending Decision ECB/2001/16 on the allocation of monetary income of the national central banks of participating Member States from the financial year 2002 (ECB/2007/15)
2007/850/KE: Deċiżjoni tal-Bank Ċentrali Ewropew tat- 22 ta’ Novembru 2007 li temenda d-Deċiżjoni BĊE/2001/16 dwar l-allokazzjoni tad-dħul monetarju tal-banek ċentrali nazzjonali ta’ Stati Membri parteċipanti mis-sena finanzjarja 2002 (BĊE/2007/15)
2007/850/KE: Deċiżjoni tal-Bank Ċentrali Ewropew tat- 22 ta’ Novembru 2007 li temenda d-Deċiżjoni BĊE/2001/16 dwar l-allokazzjoni tad-dħul monetarju tal-banek ċentrali nazzjonali ta’ Stati Membri parteċipanti mis-sena finanzjarja 2002 (BĊE/2007/15)
ĠU L 333, 19.12.2007, p. 86–89
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
M’għadux fis-seħħ, Data tat-tmiem tal-validitàà: 30/12/2010; Impliċitament imħassar minn 32010D0023
19.12.2007 |
MT |
Il-Ġurnal Uffiċjali ta’ l-Unjoni Ewropea |
L 333/86 |
DEĊIŻJONI TAL-BANK ĊENTRALI EWROPEW
tat-22 ta’ Novembru 2007
li temenda d-Deċiżjoni BĊE/2001/16 dwar l-allokazzjoni tad-dħul monetarju tal-banek ċentrali nazzjonali ta’ Stati Membri parteċipanti mis-sena finanzjarja 2002
(BĊE/2007/15)
(2007/850/KE)
IL-KUNSILL GOVERNATTIV TAL-BANK ĊENTRALI EWROPEW,
Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew (minn issa, ‘l quddiem “l-Istatut tas-SEBĊ”), b’mod partikolari l-Artikolu 32,
Billi:
(1) |
L-Artikolu 32 ta’ l-Istatut tas-SEBĊ jistabbilixxi regoli ġenerali għall-allokazzjoni tad-dħul monetarju tal-banek ċentrali nazzjonali (BĊNi) ta’ Stati Membri li adottaw l-euro. Ir-regoli ġenerali stabbiliti fl-Artikolu 32 ta’ l-Istatut tas-SEBĊ japplikaw ukoll għad-dħul li jirriżulta mill-kanċellament ta’ karti ta’ flus euro li jkunu ġew irtirati miċ-ċirkolazzjoni. |
(2) |
L-Artikolu 32.5 ta’ l-Istatut tas-SEBĊ jispeċifika li s-somma tad-dħul monetarju tal-BĊNi hija allokata lill-BĊNi f’proporzjon ma’ l-ishma mħallsa tagħhom fil-kapital tal-BĊE. Skond l-Artikolu 32.7 ta’ l-Istatut tas-SEBĊ, il-Kunsill Governattiv huwa kompetenti biex jieħu l-miżuri l-oħra kollha meħtieġa għall-applikazzjoni ta’ l-Artikolu 32. Dan jinkludi l-kompetenza li jqis il-fatturi l-oħra meta jiddeċiedi dwar l-allokazzjoni tad-dħul li jirriżulta mill-kanċellament ta’ karti ta’ flus euro li jkunu ġew irtirati miċ-ċirkolazzjoni. F’dan il-kuntest, il-prinċipji tat-trattament ugwali u fairness jeħtieġu li jitqies il-perijodu ta’ żmien li matulu l-karti ta’ flus euro irtirati jkunu nħarġu. L-iskema ta’ allokazzjoni għal dan id-dħul speċifiku għandha għalhekk tirrifletti kemm is-sehem relevanti fil-kapital tal-BĊE u kemm it-tul tal-fażi tal-ħruġ. |
(3) |
L-irtirar ta’ karti ta’ flus euro jeħtieġ li jkun irregolat b’deċiżjonijet separati li għandhom jittieħdu skond l-Artikolu 5 tad-Deċiżjoni BĊE/2003/4 ta’ l-20 ta’ Marzu 2003 dwar id-denominazzjonijiet, l-ispeċifikazzjonijiet, ir-riproduzzjoni, l-iskambju u l-irtirar ta’ karti ta’ flus euro (1). |
(4) |
Din id-Deċiżjoni hija mingħajr preġudizzju għall-passivi t’awtoritajiet tal-ħruġ, skond id-Deċiżjoni BĊE/2001/15 tas-6 ta’ Diċembru 2001 dwar il-ħruġ ta’ karti ta’ flus euro (2). |
(5) |
L-Artikolu 14(2) tal-Linja Gwida BĊE/2007/2 tas-26 t’April 2007 dwar is-Sistema Trans-European Automated Real-time Gross settlement Express Transfer (TARGET2) (3) jistabbilixxi li s-sistema TARGET2 se tissostitwixxi s-sistema TARGET ta’ bħalissa. Il-BĊNi ta’ l-Istati Membri li adottaw l-euro se jemigraw għat-TARGET2 skond l-iskeda speċifikata fl-Artikolu 13 tal-Linja Gwida BĊE/2007/2. Barra minn dan, ċerti BĊNi ta’ l-Istati Membri li m’adottawx l-euro se jikkunnettjaw mat-TARGET2 abbażi ta’ ftehim separat mal-BĊE u l-BĊNi ta’ l-Istati Membri li adottaw l-euro. Jinħtieġ għalhekk li jiġu aġġornati r-referenzi għat-“TARGET” fid-Deċiżjoni BĊE/2001/16 tas-6 ta’ Diċembru 2001 dwar l-allokazzjoni tad-dħul monetarju tal-banek ċentrali nazzjonali ta’ Stati Membri parteċipanti mis-sena finanzjarja 2002 (4). |
(6) |
Jinħtieġu wkoll xi tibdiliet oħra għad-Deċiżjoni BĊE/2001/16 fir-rigward tal-kejl tad-dħul monetarju u t-trattament ta’ karti ta’ flus euro frontloaded, |
IDDEĊIEDA KIF ĠEJ:
Artikolu 1
Id-Deċiżjoni BĊE/2001/16 hija emendata kif ġej:
1. |
L-Artikolu 1 huwa emendat kif ġej: Jiddaħħlu d-definizzjonijiet li ġejjin wara d-definizzjoni ta’ “rata ta’ referenza ta’ kuljum tal-kambju fi flus barranin”:
|
2. |
L-Artikolu 3(3) huwa sostitwit b’li ġej: “3. Fejn il-valur ta’ dak l-attiv li jista’ jiġi assenjat ta’ xi BĊN jeċċedi jew ikun anqas mill-valur tal-bażi tiegħu tal-passiv, id-differenza għandha tiġi bbilanċjata billi tiġi applikata r-rata ta’ referenza għall-valur tad-differenza.” |
3. |
Jiddaħħal l-Artikolu 5a li ġej wara l-Artikolu 5: “Artikolu 5a Kalkolu w allokazzjoni tad-dħul li jirriżulta mill-kanċellament ta’ karti ta’ flus euro 1. Karti ta’ flus euro għandhom jibqgħu parti mill-bażi tal-passiv sakemm jiġu skambjati jew ikkanċellati, liema minnhom iseħħ l-ewwel. 2. Il-Kunsill Governattiv jista’ jiddeċiedi li l-kanċellament ta’ karti ta’ flus euro irtirati, f’liema każ għandu jispeċifika d-data tal-kanċellament u l-ammont totali tal-provvediment li għandu jsir għal dawk il-karti ta’ flus euro irtirati li jkun mistenni li jkunu għad iridu jiġu skambjati. 3. Karti ta’ flus euro għandhom jiġu kkanċellati kif ġej:
4. Karti ta’ flus euro irtirati li huma skambjati wara d-data tal-kanċellament għandhom ikunu rreġistrati fil-kotba tal-BĊN li jkun aċċettahom. Il-fluss ‘il ġewwa ta’ karti ta’ flus euro irtirati għandu jkun iddistribwit mill-ġdid bejn il-BĊNi ta’ lanqas darba f’sena, billi tiġi applikata l-iskema tal-ħruġ, u d-differenzi għandhom jiġu settled bejniethom. Kull BĊN għandu jpaċi l-ammont pro-rata kontra l-provvediment tiegħu jew, fil-każ li l-fluss ‘il ġewwa jeċċedi l-provvediment, jirreġistra spiża korrispondenti fil-kont tiegħu tal-profitt u t-telf. 5. Il-Kunsill Governattiv għandu jirrevedi kull sena l-ammont totali tal-provvediment.” |
4. |
L-Anness I huwa emendat skond l-Anness I ma’ din id-Deċiżjoni. |
5. |
L-Anness II huwa emendat skond l-Anness II ma’ din id-Deċiżjoni. |
6. |
Ir-referenzi kollha fid-Deċiżjoni BĊE/2001/16 għat-“TARGET” għandhom jiġu interpretati bħala referenzi għat-“TARGET2” ladarba l-BĊN relevanti jkun emigra għat-TARGET2. |
Artikolu 2
Dispożizzjoni finali
Din id-Deċiżjoni għandha tidħol fis-seħħ fl-1 ta’ Jannar 2008.
Magħmula fi Frankfurt am Main, 22 ta’ Novembru 2007.
Il-President tal-BĊE
Jean-Claude TRICHET
(1) ĠU L 78, 25.3.2003, p. 16.
(2) ĠU L 337, 20.12.2001, p. 52. Id-Deċiżjoni kif emendata l-aħħar bid-Deċiżjoni BĊE/2006/25 (ĠU L 24, 31.1.2007, p. 13).
(4) ĠU L 337, 20.12.2001, p. 55. Id-Deċiżjoni kif emendata l-aħħar bid-Deċiżjoni BĊE/2006/7 (ĠU L 148, 2.6.2006, p. 56).
ANNESS I
L-Anness I mad-Deċiżjoni BĊE/2001/16 huwa emendat kif ġej.
Jiddaħħal is-subparagrafu li ġej fit-tmiem tal-paragrafu 1 f’Parti A:
“Fil-każ li d-data tal-bidla tal-flus kontanti hija jum li fih it-TARGET/TARGET2 tkun magħluqa, il-passiv ta’ BĊN ġdid ta’ l-Ewrosistema li jirriżulta minn karti ta’ flus ewro li jkunu ġew frontloaded skond il-Linja Gwida BĊE/2006/9 ta’ l-14 ta’ Lulju 2006 dwar ċerti preparazzjonijiet għall-bidla tal-flus kontanti għall-ewro u dwar il-frontloading u s-sub-frontloading ta’ karti ta’ flus u muniti ewro barra ż-żona ta’ l-ewro (1), u li jkunu mbagħad daħlu fiċ-ċirkolazzjoni qabel id-data tal-bidla tal-flus kontanti, jagħmel parti mill-bażi tal-passiv (bħala parti mill-kontijiet korrispondenti taħt il-partita tal-passiv 10.4 tal-HBS) sakemm il-passiv isir parti mill-passiv intra-Ewrosistema li jirriżulta mit-tranżazzjonijiet tat-TARGET/TARGET2.
ANNESS II
L-Anness II mad-Deċiżjoni BĊE/2001/16 huwa emendat kif ġej.
Jiddaħħal il-paragrafu li ġej fit-tmiem ta’ Parti A, wara t-tmiem tal-paragrafu li jgħid “skond kif fil-31 ta’ Diċembru 2002”:
“6. |
talbiet li jirriżultaw minn karti ta’ flus ewro li jkunu ġew frontloaded skond il-Linja Gwida BĊE/2006/9 u li jkunu mbagħad daħlu fiċ-ċirkolazzjoni qabel id-data tal-bidla tal-flus kontanti (parti mill-partita ta’ l-attiv 4.1 tal-HBS sad-data tal-bidla tal-flus kontanti u minn hemm ’il quddiem parti mill-kontijiet korrispondenti taħt il-partita ta’ l-attiv 9.5 tal-HBS), imma sakemm biss dik it-talba ssir parti mit-talbiet intra-Ewrosistema li jirriżultaw mit-tranżazzjonijiet tat-TARGET/TARGET2.” |