Dan id-dokument hu mislut mis-sit web tal-EUR-Lex
Dokument 32013O0049
2014/54/EU: Guideline of the European Central Bank of 18 December 2013 amending Guideline ECB/2004/18 on the procurement of euro banknotes (ECB/2013/49)
2014/54/UE: Linja gwida tal-Bank Ċentrali Ewropew tat- 18 ta’ Diċembru 2013 li temenda l-Linja Gwida BĊE/2004/18 dwar l-akkwist tal-karti tal-flus euro (BĊE/2013/49)
2014/54/UE: Linja gwida tal-Bank Ċentrali Ewropew tat- 18 ta’ Diċembru 2013 li temenda l-Linja Gwida BĊE/2004/18 dwar l-akkwist tal-karti tal-flus euro (BĊE/2013/49)
ĠU L 32, 1.2.2014, p. 36–36
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
M’għadux fis-seħħ, Data tat-tmiem tal-validitàà: 31/12/2014; Imħassar b' 32014O0044
|
1.2.2014 |
MT |
Il-Ġurnal Uffiċjali tal-Unjoni Ewropea |
L 32/36 |
LINJA GWIDA TAL-BANK ĊENTRALI EWROPEW
tat-18 ta’ Diċembru 2013
li temenda l-Linja Gwida BĊE/2004/18 dwar l-akkwist tal-karti tal-flus euro
(BĊE/2013/49)
(2014/54/UE)
IL-KUNSILL GOVERNATTIV TAL-BANK ĊENTRALI EWROPEW,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 128(1) tiegħu,
Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew, u b’mod partikolari l-Artikolu 16 tiegħu,
Billi:
|
(1) |
L-Artikolu 2(1) tal-Linja Gwida BĊE/2004/18 tas-16 ta’ Settembru 2004 dwar l-akkwist tal-karti tal-flus euro (1) stipula illi proċedura waħdanija ta’ sejħa għall-offerti tal-Eurosistema (SETP) għandha tibda sa mhux aktar tard mill-1 ta’ Jannar 2012. |
|
(2) |
L-Artikolu 2(1) tal-Linja Gwida BĊE/2004/18 ġie emendat mil-Linja Gwida BĊE/2011/3 tat-18 ta’ Marzu 2011 li emendat il-Linja Gwida BĊE/2004/18 dwar l-akkwist tal-karti tal-flus euro (2), sabiex l-SETP tibda sa mhux aktar tard mill-1 ta’ Jannar 2014, sakemm il-Kunsill Governattiv ma jiddeċidix fuq data tal-bidu differenti. |
|
(3) |
Skont l-Artikolu 21 tal-Linja Gwida BĊE/2004/18, il-Kunsill Governattiv għandu jirrevedi l-Linja Gwida BĊE/2004/18 fil-bidu tal-2008 u ta’ kull sentejn minn hemm ’il quddiem. |
|
(4) |
Fil-kuntest tal-aktar reviżjoni riċenti tiegħu tal-Linja Gwida BĊE/2004/18, il-Kunsill Governattiv iddeċieda li jipprovdi għal data aktar tard għall-bidu tal-SETP minħabba bidla fl-assunzjonijiet li fuqhom kienet ibbażata d-data mistennija għall-bidu tal-SETP. |
|
(5) |
Għaldaqstant, il-Linja Gwida BĊE/2004/18 għandha tiġi emendata f’dan is-sens, |
ADOTTA DIN IL-LINJA GWIDA:
Artikolu 1
Emenda
L-Artikolu 2(1) tal-Linja Gwida BĊE/2004/18 huwa sostitwit b’li ġej:
“1. Il-proċedura waħdanija ta’ sejħa għall-offerti ta l-Eurosistema għandha tibda f’data deċiża mill-Kunsill Governattiv.”.
Artikolu 2
Dħul fis-seħħ
Din il-Linja Gwida tidħol fis-seħħ fil-jum tan-notifika tagħha lill-banek ċentrali nazzjonali tal-Istati Membri li l-munita tagħhom hija l-euro.
Artikolu 3
Destinatarji
Din il-Linja Gwida hija indirizzata lill-banek ċentrali nazzjonali tal-Istati Membri li l-munita tagħhom hija l-euro.
Magħmul fi Frankfurt am Main, it-18 ta’ Diċembru 2013.
Għall-Kunsill Governattiv tal-BĊE
Il-President tal-BĊE
Mario DRAGHI
(1) ĠU L 320, 21.10.2004, p. 21.