1.   Il-BĊNi jistgħu jipparteċipaw fil-qafas taċ-ċirkwiti ta’ feedback tal-AnaCredit fuq bażi volontarja. Il-BĊNi elenkati fl-Anness IV għandhom isiru BĊNi parteċipi għall-finijiet ta’ din il-Linja Gwida mid-data speċifikata f’dak l-Anness.

2.   BĊN li m’huwiex elenkat fl-Anness IV jista’ jitlob li jipparteċipa fil-qafas taċ-ċirkwit ta’ feedback tal-AnaCredit billi jissottometti avviż bil-miktub minn qabel lill-Kunsill Governattiv li jispeċifika d-data minn meta jipproponi li jsir BĊN parteċipi. Il-BĊN għandu jkun inkluż fil-lista fl-Anness IV permezz ta’ emenda teknika għal dak l-Anness u, fejn meħtieġ, għall-Anness III skont l-Artikolu 20.

Għall-finijiet ta’ dan il-paragrafu, emenda teknika tikkonsisti fl-inklużjoni fl-Anness IV tal-isem tal-BĊN u d-data minn meta ser isir BĊN parteċipi u, fejn meħtieġ, speċifikazzjoni ta’ dawk l-attributi tad-data fis-sett tad-data taċ-ċirkwiti ta’ feedback tal-BĊE fl-Anness III li fir-rigward tagħhom dak il-BĊN ma jaqbilx li jikkondividi d-data relatata sabiex jiġu pprovduti ċirkwiti ta’ feedback lill-aġenti li jirrapportaw skont l-Artikolu 16c.

3.   BĊN parteċipi jista’ jitlob bidla fl-ispeċifikazzjoni tal-attributi tad-data tiegħu kif imsemmi fi-tieni subparagrafu tal-paragrafu 2. Il-bidla għandha tidħol fis-seħħ wara emenda teknika għall-Anness III skont l-Artikolu 20.

4.   BĊN parteċipi jista’ jitlob li jtemm il-parteċipazzjoni tiegħu fil-qafas taċ-ċirkwiti ta’ feedback tal-AnaCredit billi jissottometti avviż bil-miktub mhux inqas minn disgħin jum qabel lill-Kunsill Governattiv. It-terminazzjoni għandha tidħol fis-seħħ wara emenda teknika għall-Anness IV u, fejn meħtieġ, għall-Anness III skont l-Artikolu 20. Kwalunkwe terminazzjoni ta’ parteċipazzjoni m'għandhiex tippreġudika l-kontinwazzjoni u s-sopravivenza ta' kwalunkwe wieħed mid-drittijiet u l-obbligi ta’ kull wieħed mill-BĊNi li jeżistu fid-data jew qabel id-data li fiha din it-terminazzjoni tidħol fis-seħħ.

1.   BĊN parteċipi jista’ jiddeċiedi, fid-diskrezzjoni tiegħu, li ma jagħtix kunsens lil BĊNi riċeventi li jinkludu kwalunkwe attribut varjabbli fid-data kondiviża mal-aġenti li jirrapportaw residenti tagħhom, għall-finijiet ta’ ċirkwit ta’ feedback. Id-deċiżjonijiet tal-BĊNi parteċipi huma indikati fl-Anness III. BĊN riċeventi jista’ ma jinkludix attributi varjabbli bħal dawn fid-data kondiviża mal-aġenti li jirrapportaw residenti tiegħu, għall-finijiet ta’ ċirkwit ta’ feedback.

2.   Jekk BĊN parteċipi jiddeċiedi li ma jagħtix kunsens lil BĊNi riċeventi li jinkludu attribut varjabbli wieħed jew aktar fid-data kondiviża mal-aġenti li jirrapportaw residenti tagħhom għall-finijiet ta’ ċirkwit ta’ feedback, il-BĊN parteċipi m’għandux jipprovdi s-sett ta’ data ekwivalenti miġbura minn BĊNi parteċipi oħrajn lill-aġenti li jirrapportaw tiegħu stess.

3.   Soġġett għall-paragrafi 1 u 2, BĊN riċeventi jista’ jiddeċiedi, fid-diskrezzjoni tiegħu, li jinkludi jew jeskludi kwalunkwe attribut varjabbli fid-data kondiviża mal-aġenti li jirrapportaw residenti tiegħu.

4.   Jekk BĊN huwa responsabbli taħt l-Artikolu 6 ta’ din il-Linja Gwida mir-rapportar lill-BĊE ta’ data dwar il-kreditu u tad-data ta’ referenza tal-kontroparti li tirrigwarda fergħa barranija tal-RMS, id-data li tikkorrispondi għall-attributi varjabbli relatati ma’ dik il-fergħa barranija tal-RMS tista’ tingħata, għall-finijiet ta’ ċirkwit ta’ feedback, lil aġent li jirrapporta residenti mill-BĊN parteċipi fl-Istat Membru li fih il-fergħa barranija tal-RMS hija residenti jew mill-BĊN parteċipi fl-Istat Membru tal-uffiċċju prinċipali tal-impriża tal-fergħa barranija tal-RMS.

1.   Mill-1 ta’ April 2020, il-BĊE għandu jittrasmetti s-sett ta’ data taċ-ċirkwit ta’ feedback tal-BĊE lil kull BĊN elenkat fl-Anness IV qabel id-data, kif speċifikata f’dak l-Anness, meta jsir BĊN parteċipi. Il-BĊN m’għandux ikollu d-dritt li juża d-data li jirċievi mill-BĊE għall-finijiet ta’ ċirkwit ta’ feedback skont l-Artikolu 16e qabel ma jsir BĊN parteċipi fid-data speċifikata fl-Anness IV. Il-BĊN għandu juża biss id-data li jirċievi mill-BĊE għall-finijiet tal-ittestjar tal-arranġamenti msemmija fl-Artikolu 16b(b) qabel l-implimentazzjoni ta’ dawk l-arranġamenti fid-data meta jsir BĊN parteċipi u skont l-Artikolu 16e(9).

2.   Il-BĊE għandu jibgħat sett ta’ data ta’ ċirkwit ta’ feedback tal-BĊE lil kull BĊN riċeventi permezz ta’ trażmissjonijiet regolari, immedjatament wara li tiġi ġġenerata l-kopja tad-deheb.

3.   Kull sett ta’ data ta’ ċirkwit ta’ feedback tal-BĊE mibgħut permezz ta’ trażmissjoni regolari għandu jkun relatat biss ma’ strumenti fejn mill-inqas debitur wieħed huwa entità legali jew huwa parti minn entità legali li tissodisfa waħda mill-kundizzjonijiet li ġejjin:

4.   Il-BĊE għandu jittrażmetti lill-BĊNi riċeventi kwalunkwe reviżjoni riċevuta li tirrigwarda l-informazzjoni inkluża qabel fi trażmissjonijiet regolari skont il-politika ta’ reviżjoni msemmija fil-punt 4 tal-Anness V għar-Regolament (UE) 2016/867 (BĊE/2016/13).

5.   BĊN parteċipi jista’ jibgħat lill-BĊE talba ad-hoc relatata ma’ debitur prospettiv li applika għal strument ma’ aġent li jirrapporta, jew ma’ kwalunkwe aġent osservat tiegħu, residenti fl-Istat Membru tal-BĊN parteċipi rikjedenti.

6.   Il-BĊE għandu jittrażmetti s-sett ta’ data taċ-ċirkwit ta’ feedback tal-BĊE relatata mad-debitur prospettiv rilevanti lill-BĊN parteċipi rikjedenti b’risposta għal talba ad-hoc, diment li t-talba ad-hoc tkun relatata ma’ debitur prospettiv li d-data tiegħu tkun irrapportata lill-BĊE.

7.   Il-BĊE għandu jwieġeb għal talba ad-hoc sat-tmiem tal-jum ta’ xogħol ta’ wara dak li fih tkun waslet it-talba ad-hoc.

8.   Il-BĊE għandu jiżgura li l-informazzjoni trażmessa taħt dan l-Artikolu tkun identika għal dik trażmessa mill-BĊNi lill-BĊE u li l-informazzjoni trażmessa lil kull BĊN riċeventi għandha tirreferi biss għall-istrumenti relatati ma’ debituri jew debituri prospettivi speċifikati fil-paragrafi 3 jew 5.

1.   BĊN riċeventi għandu d-dritt li juża d-data riċevuta mill-BĊE skont l-Artikolu 16d għall-finijiet ta’ ċirkwit ta’ feedback skont id-dispożizzjonijiet ta’ dan l-Artikolu.

2.   Ċirkwit ta’ feedback kif imsemmi fil-paragrafu 1 jista’ jiġi stabbilit minn BĊN riċeventi ma’ aġenti li jirrapportaw residenti, inklużi aġenti li jirrapportaw żgħar li jingħataw deroga skont l-Artikolu 16(1) tar-Regolament (UE) 2016/867 (BĊE/2016/13) u aġenti li jirrapportaw li jirrapportaw data fuq frekwenza ta’ rapportar imnaqqsa skont l-Artikolu 16(2) tar-Regolament (UE) 2016/867 (BĊE/2016/13).

3.   Id-data użata fiċ-ċirkwiti ta’ feedback għandha tinkludi, mill-inqas, is-sett ta’ data minimu. Id-data użata fiċ-ċirkwiti ta’ feedback tista’ tinkludi wkoll id-data li tikkorrispondi għall-attributi varjabbli, diment li l-BĊNi riċeventi jeskludu d-data miġbura minn BĊNi parteċipi oħrajn, fejn dawn il-BĊNi parteċipi l-oħrajn ma tawx il-kunsens tagħhom għall-kondiviżjoni ta’ dik id-data skont l-Artikolu 16c.

4.   BĊN riċeventi ma jistax jipprovdi data dwar il-kreditu jew data ta’ referenza ta’ kontroparti lil aġent li jirrapporta li ma taqax fil-kamp ta' applikazzjoni tas-sett ta’ data taċ-ċirkwit ta’ feedback tal-BĊE li jkun irċieva. Il-BĊNi riċeventi m’għandhomx jikkondividu attributi operazzjonali mal-aġenti li jirrapportaw residenti tagħhom.

5.   BĊN parteċipi jista’ jidentifika ċerta informazzjoni fil-livell ta’ strument bħala li ma tistax tintuża għall-finijiet ta’ ċirkwit ta’ feedback, għal perjodu limitat ta’ żmien, minħabba restrizzjonijiet fil-leġiżlazzjoni nazzjonali jew il-kwalità tal-informazzjoni. Id-data trażmessa mill-BĊE lill-BĊNi riċeventi għandha tinkludi identifikazzjoni bħal din. BĊN riċeventi m’għandux jinkludi l-informazzjoni identifikata fiċ-ċirkwiti ta’ feedback lill-aġenti li jirrapportaw residenti.

6.   Id-data miġbura mill-BĊNi li mhumiex qegħdin jipparteċipaw fil-qafas taċ-ċirkwiti ta’ feedback tal-AnaCredit ma tistax tintuża mill-BĊNi parteċipi sabiex jistabbilixxu jew iżommu ċirkwit ta’ feedback, ħlief skont l-Artikolu 11(5) tar-Regolament UE 2016/867 (BĊE/2016/13), fejn huwa meqjus li l-aċċess għal tali skopijiet m’huwiex miċħud minn BĊN mhux parteċipi skont l-Artikolu 6(5) jew fejn id-data tkun dwar unità istituzzjonali ta’ aġent li jirrapporta stabbilit fi Stat Membru li jirrapporta, li dejjem tista’ tintuża għal ċirkwiti ta’ feedback mill-BĊN rilevanti tal-aġent li jirrapporta, irrispettivament minn fejn tkun residenti l-unità istituzzjonali.

7.   BĊN riċeventi jista’ jikkondividi mal-aġenti li jirrapportaw residenti tiegħu d-data riċevuta mill-BĊE skont dan l-Artikolu; jista’ jipprovdi data fl-istess livell ta’ granularità tad-data trażmessa mill-BĊE jew f’livell aktar aggregat.

8.   Meta jipprovdu ċirkwiti ta’ feedback lill-aġenti li jirrapportaw, il-BĊNi riċeventi għandhom jiżguraw li l-aġenti osservati, l-aġenti li jirrapportaw, il-kredituri, is-servizzjanti u l-oriġinaturi li l-informazzjoni dwarhom ġiet trażmessa mill-BĊE lill-BĊNi riċeventi ma jistgħux jiġu identifikati.

9.   Il-BĊNi riċeventi għandhom jittrattaw l-informazzjoni riċevuta mill-BĊE skont il-qafas legali nazzjonali dwar il-kunfidenzjalità tad-data u l-Artikoli 8 sa 8c tar-Regolament (KE) Nru 2533/98.

10.   BĊN riċeventi għandu jinforma lill-popolazzjoni li tirrapporta residenti tiegħu li, skont l-Artikolu 11 tar-Regolament (UE) 2016/867 (BĊE/2016/13):

1.   BĊN riċeventi huwa unikament responsabbli għall-istabbiliment ta’ ċirkwit ta’ feedback jew ta’ servizzi ta’ informazzjoni oħrajn mir-RĊK tiegħu lill-aġenti li jirrapportaw, inkluża l-proċedura ta’ għoti ta’ aċċess lill-aġenti li jirrapportaw u ta’ infurzar tal-konformità mill-aġenti li jirrapportaw mar-rekwiżiti tal-Artikolu 16e.

2.   Fejn entitajiet legali jew partijiet ta’ entitajiet legali li dwarhom data dwar il-kreditu ġiet irrapportata huma intitolati li jaċċessaw tali data jew jeħtieġu r-rettifika u/jew it-tħassir ta’ tali data, inkluż fejn tali data hija pprovduta lill-aġenti li jirrapportaw għall-finijiet ta’ ċirkwit ta’ feedback jew servizz ta’ informazzjoni ieħor mir-RĊK rilevanti, il-BĊN rilevanti għandu jimplimenta proċeduri sabiex (a) jipprovdi aċċess għad-data, (b) jeżiġi li d-data żbaljata tiġi rettifikata mill-aġenti li jirrapportaw u (c) jinforma lill-aġenti li jirrapportaw ma’ min ġiet kondiviża l-informazzjoni.

3.   Fil-każ ta’ talbiet relatati ma’ informazzjoni inkluża f’ċirkwiti ta’ feedback u derivata mit-trażmissjoni ta’ data magħmula minn BĊN ieħor, il-BĊN li jirċievi t-talbiet għandu jikkuntattja lill-BĊN li ttrażmetta d-data lill-BĊE u jikkooperaw fl-investigazzjoni tal-korrettezza tal-informazzjoni u fit-tħejjija tar-risposta għat-talba tad-debitur.”;