EUR-Lex Aċċess għal-liġi tal-Unjoni Ewropea
Dan id-dokument hu mislut mis-sit web tal-EUR-Lex
Dokument 32017O0012
Guideline (EU) 2017/1362 of the European Central Bank of 18 May 2017 amending Guideline (EU) 2015/510 on the implementation of the Eurosystem monetary policy framework (ECB/2017/12)
Linja Gwida (UE) 2017/1362 tal-Bank Ċentrali Ewropew tat-18 ta' Mejju 2017 li temenda l-Linja Gwida (UE) 2015/510 dwar l-implimentazzjoni tal-qafas tal-politika monetarja tal- Eurosistema (BĊE/2017/12)
Linja Gwida (UE) 2017/1362 tal-Bank Ċentrali Ewropew tat-18 ta' Mejju 2017 li temenda l-Linja Gwida (UE) 2015/510 dwar l-implimentazzjoni tal-qafas tal-politika monetarja tal- Eurosistema (BĊE/2017/12)
ĠU L 190, 21.7.2017, p. 26–27
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
Fis-seħħ
21.7.2017 |
MT |
Il-Ġurnal Uffiċjali tal-Unjoni Ewropea |
L 190/26 |
LINJA GWIDA (UE) 2017/1362 TAL-BANK ĊENTRALI EWROPEW
tat-18 ta' Mejju 2017
li temenda l-Linja Gwida (UE) 2015/510 dwar l-implimentazzjoni tal-qafas tal-politika monetarja tal- Eurosistema (BĊE/2017/12)
IL-KUNSILL GOVERNATTIV TAL-BANK ĊENTRALI EWROPEW,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-ewwel inċiż tal-Artikolu 127(2) tiegħu,
Wara li kkunsidra l-Istatut tas-Sistema Ewropea tal-Banek Centrali u tal-Bank Centrali Ewropew, u b'mod partikolari l-ewwel inċiż tal-Artikolu 3.1, l-Artikoli 9.2, 12.1, 14.3, 18.2 u l-ewwel paragrafu tal-Artikolu 20 tiegħu,
Billi:
(1) |
Il-kisba ta' politika monetarja waħdanija tinvolvi d-definizzjoni tal-istrumenti u l-proċeduri li jridu jintużaw mill-Eurosistema sabiex tiġi implimentata politika bħal din b'mod uniformi fl-Istati Membri kollha li l-munita tagħhom hija l-euro. |
(2) |
Il-Kunsill Governattiv iddeċieda fit-22 ta' Marzu 2017 li għandhom jiġu rfinati aktar ir-regoli applikabbli għal li huma “entitajiet ta' stralċ” fil-kuntest tal-qafas tal-kontroparti tal-politika monetarja tal-Eurosistema sabiex jiġi żgurat li dawn jiġu ttrattati b'mod konsistenti meta jaċċessaw l-operazzjonijiet tal-politika monetarja tal-Eurosistema. B'mod partikolari, il-Kunsill Governattiv qies li kien xieraq li ma jippermettix “entitajiet ta' stralċ”, kif definit f'din linja gwida, aċċess għal operazzjonijiet tal-politika monetarja, peress li l-għan ewlieni ta' dawn l-entitajiet ma hijiex konsistenti man-negozju ordinarju ta' istituzzjonijiet ta' kreditu, li huma parteċipanti regolari fl-operazzjonijiet tal-politika monetarja. |
(3) |
Għal raġunijiet ta' trasparenza u ċarezza legali, id-deċiżjoni tal-Kunsill Governattiv tat-22 ta' Marzu 2017 għandha tiġi stabbilita f'att legali vinkolanti mingħajr dewmien sabiex tissupplimenta l-Linja Gwida (UE) 2015/510 tal-Bank Ċentrali Ewropew (BĊE/2014/60) (1). |
(4) |
Għalhekk, il-Linja Gwida (UE) 2015/510 (BĊE/2014/60) għandha tiġi emendata kif meħtieġ, |
ADOTTA DIN IL-LINJA GWIDA:
Artikolu 1
Emendi
Il-Linja Gwida (UE) 2015/510 (BĊE/2014/60) hija emendata skont kif ġej:
1. |
fl-Artikolu 2, għandu jiddaħħal il-punt (99a) li ġej:
(*1) Regolament (UE) Nru 806/2014 tal-Parlament Ewropew u tal-Kunsill tal-15 ta' Lulju 2014 li jistabbilixxi regoli uniformi u proċedura uniformi għar-riżoluzzjoni tal-istituzzjonijiet ta' kreditu u ċerti ditti tal-investiment fil-qafas ta' Mekkaniżmu Uniku ta' Riżoluzzjoni u Fond Uniku għar-Riżoluzzjoni u li jemenda r-Regolament (UE) Nru 1093/2010 (ĠU L 225, 30.7.2014, p. 1)." (*2) Direttiva 2014/59/UE tal-Parlament Ewropew u tal-Kunsill tal-15 ta' Mejju 2014 li tistabbilixxi qafas għall-irkupru u r-riżoluzzjoni ta' istituzzjonijiet ta' kreditu u ditti ta' investiment u li temenda d-Direttiva tal-Kunsill 82/891/KEE u d-Direttivi 2001/24/KE, 2002/47/KE, 2004/25/KE, 2005/56/KE, 2007/36/KE, 2011/35/UE, 2012/30/UE u 2013/36/UE, u r-Regolamenti (UE) Nru 1093/2010 u (UE) Nru 648/2012 tal-Parlament Ewropew u tal-Kunsill (ĠU L 173, 12.6.2014, p. 190).”;" |
2. |
fl-Artikolu 55a, il-paragrafu 5 huwa mibdul b'li ġej: “5. Entità ta' stralċ m'għandhiex tkun eliġibbli biex taċċessa operazzjonijiet tal-politika monetarja tal-Eurosistema sakemm tiġi aċċettata bħala kontroparti eliġibbli biex tipparteċipa f'operazzjonijiet tal-politika monetarja tal-Eurosistema sat-22 ta' Marzu 2017. F'dak il-każ għandha tibqa' eliġibbli sal-31 ta' Diċembru 2021, bil-limitazzjoni li l-aċċess tagħha għal operazzjonijiet ta' kreditu tal-Eurosistema, kif iddefiniti fil-punt (31) tal-Artikolu 2, għandu jkun limitat għal-livell medju tal-użu li tkun għamlet minn operazzjonijiet ta' kreditu tal-Eurosistema matul il-perijodu ta' 12-il xahar qabel it-22 ta' Marzu 2017 bil-possibbiltà li jiġi kkalkulat u applikat tali limitu b'mod konġunt għal numru ta' entitajiet ta' stralċ li jappartjenu għall-istess grupp, meta jkun rilevanti. Wara dan, dik l-entità ta' stralċ m'għandhiex tibqa' eliġibbli biex taċċessa operazzjonijiet tal-politika monetarja tal-Eurosistema.”; |
3. |
fl-Artikolu 158, jiddaħħal il-paragrafu 3a li ġej: “3a. B'referenza għal entitajiet ta' stralċ mhux meqjusa eliġibbli skont l-Artikolu 55a(5), l-Eurosistema tista' tissospendi, tillimita jew teskludi, għal raġunijiet ta' prudenza, l-aċċess għall-operazzjonijiet ta' politika monetarja minn kontropartijiet li jgħaddu likwidità tal-Eurosistema lil entità ta' stralċ mhux eliġibbli.”. |
Artikolu 2
Dħul fis-seħħ u implimentazzjoni
1. Din il-Linja Gwida għandha tidħol fis-seħħ fil-jum tan-notifika tagħha lill-banek ċentrali nazzjonali tal-Istati Membri li l-munita tagħhom hija l-euro.
2. Il-banek ċentrali nazzjonali tal-Istati Membri li l-munita tagħhom hija l-euro għandhom jieħdu l-miżuri neċessarji biex jikkonformaw ma' din il-Linja Gwida u japplikawhom mill-21 ta' Lulju 2017. Huma għandhom jinnotifikaw lill-BĊE bit-testi u l-mezzi relatati ma' dawk il-miżuri sa mhux aktar tard mid-19 ta' Ġunju 2017.
Artikolu 3
Destinatarji
Din il-Linja Gwida hija indirizzata lill-banek ċentrali kollha tal-Eurosistema.
Magħmul fi Frankfurt am Main, it-18 ta' Mejju 2017.
Għall-Kunsill Governattiv tal-BĊE
Il-President tal-BĊE
Mario DRAGHI
(1) Linja Gwida (UE) 2015/510 tal-Bank Ċentrali Ewropew tad-19 ta' Diċembru 2014 dwar l-implimentazzjoni tal-qafas tal-politika monetarja tal-Eurosistema (BĊE/2014/60) (ĠU L 91, 2.4.2015, p. 3).